Тектоник мужлал: Завхан-Орхон, Хархорин, Улаанбаатар террайны баруун өмнөд, Цэцэрлэг ба Идэрмэг террайны зүүн өмнөд мужууд [Төмөртогоо, Монголын тектоник мужлал M1:7 000 000, 2002;]
Хамрах аймгийн нутаг дэвсгэр: Булган, Архангай аймгуудын хил залгаа нутаг, Өвөрхангай, Төв, Дундговь аймгуудын хил залгаа нутаг;
Бүсийн ерөнхий тойм: Хангайгаас Хэнтийн нуруу руу шилжих завсрын бүс болох Орхон, Туул голын хоорондох уулсын системийн дунд орших Могодын газар хөдлөлийн идэвхтэй бүс болон Дундговийн Дэрэн, Дэлгэрэхийн хил заагт орших Дэрэнгийн газар хөдлөлийн идэвхтэй бүсүүдийг бүхэлд нь хамарсан бүс нутаг;
Тектоник шилжилт хөдөлгөөн: Монгол ба Амурын бичил тектоник хавтангийн заагт залгаа оршино. Эвдрэлийн хүчдэл хуримтлал их, хүчтэй газар хөдлөлт тохиолдох магадлал өндөр;
Идэвхтэй хагарлууд: Могод; Өлзийт, Хануй; Хужирт; Мөстийн цагаан; Батхаан & Дэрэн.
Хүчтэй газар хөдлөлтийн голомтын бүс: Могод, Дэрэн
Хүчтэй газар хөдлөлт M>6.5:
Хамгийн сүүлд болсон хүчтэй газар хөдлөлт:
1967 оны 1 дүгээр сарын 5 -нд Булган аймгийн Могод сумын нутагт орших Түлээ ууланд магнитуд нь M=7.1 –тэй хүчтэй газар хөдлөлт болсон. Могодын хүчтэй газар хөдлөлтийг Монгол улсын нутаг дэвсгэрт оршин суугчдын олонх, хил залгаа орших Өмнөд Байгалийн районы оршин суугчид мэдэрсэн байна. Нийслэл Улаанбаатар хотод уг хөдлөлт нь III–V баллаар мэдрэгдсэн байна. Уг газар хөдлөлтийн дараа давталт хөдлөлт нэлээдгүй бүртгэгдсэний хамгийн хүчтэй нь 7 магнитудтай хөдлөлт (1967/01/20, Ml=7.0) юм. Уг бүсэд Сайханы түүхэн хүчтэй газар хөдлөлт (1958/06/23, Ms=6.2) болсон байна [Хилько.,1985]. Тус голомтын бүсэд болсон мэдэгдэм хүчтэй газар хөдлөлтүүдээс хамгийн хүчтэй нь 2019/02/16-д Ml=4.6 юм. Могодын голомтын бүс нь Улаанбаатар хотод аюул учруулах боломжит хүчтэй газар хөдлөлтийн голомтын бүсэд ордог.